Let's Talk Forum


Relationships

Posted by Tripathiswa

Aunty ji .,kya mai sch me cheater hu ...mujhe dekhne ladke wale aaye uske father ne mujhse baat ki phir ladke ne bhi ..unhone meri or ladke ki sath me pic bhi li ..or phir mujhe Shagun bhi de diya ki ladki pasand aa gyi ..lekin ghar jaker jb papa ne call kiya to unlogo ne kha ki ladki ne cheating ki hai ek pair utha rkha tha or bindi lgayi thi ...but maine aisa jan bujh ke nhi kiya tha or ek pair uthane se koi lamba ho jata hai .mai to uske sath chali bhi thi khade hoke hi baat ki thi phir bhi aisa kyu

Answer
moderator love-matters
0

Tripathiswa puttar,
Sab se pehle yeh baat apne dimag se nikal do ki tum cheater ho - yeh bilkul galat hai. Aur main to bahut hairaan hun ki aaj kal ke zamane main bhi log iss tarah ki galat batein sochtein hai ladkiyon ke baare main. Bahut bura bhi laga sun ke jo tumhare saath hua. Lekin ek baat bloun? Jo hua achha ke liye hua beta -tumko ladke ki family aur ladke ke baare main yeh sab pehle he pata chal gaya. Yeh log jo aisee ghatiya batein tumhare bare main abhi kar rahe hain aur ek choti si baat ko lekar tumko cheater keh rahe hain - agar tumhari iss family main shaadi ho jaati to pata nahi kya kuch jhelna padta. Abhi tumhe bira lag raha hoga, main samajh sakti hun.
Par jab tak tum apne mann main jaanti ho ki tum theek ho - kissi se mat daro - aur kissi ko safai dene ki jaroorat nahi hai - tumhare parents tumhare saath hain na? I am sure who aisa nahi socthe honge tumnahre baare main - to jin logon ko tum sirf ek baar mili - unki baton ko dil pe mat lo. Tum jaisee ho - achi ho. Bilkul theek ho - tumhe apne aap main confidence laana chaiye ki tum bilkul sahi thi - aur wahi log galat the. Chalo ab muskura do! All the best! Sab achha hoga aage! https://lovematters.in/hi/

Auntyji
0

Thanks a lot ...ghar pr bhi sbne yhi kha jo apne kha ..bss mai afsos kr rhi thi ek pair unche ho jane se mai lambi kaise ho gyi ..kya sch me mujhse itni badi galti ho gyi us ladke ne vakai mujhse bhut achhe se baat ki vishwash nhi hota ki uske father ne cheater kh diya ..... Han kahakr phir iss tarah se rejection...kash un logo ko iss baat ka ehsaas hota ki unhone galat kiya ....

moderator love-matters
0

Dhanushrii puttar,
Tumne kuch galat nahi kia to chinta chod do. Inko aaj nahi to kal apni galti ka ehsaas hoga. Kissi insaan ko bina jaane cheater bolna bahut he galat hai. Main to kahungi acha hua tum aisee family main nahi gayi jahan ke logon ki soch aisee hai - so please just relax, chill aur koshish karo sab kuch bhoolne ki - ismein tumhara koi kasoor nahi hai. I am sure unko jaldi he apni galti ka ehsaas hoga.

Auntyji
0

Thanks aunty , u r such a nice lady .. m trying to forget all the things but can't ..mai government job ki preperation kr rhi hu or usi me mn lgana chah rhi lekin padhai pr concern hi nhi kr pa rhi ..bar bar vhi sb yad aa jata hai .. agrai us ladke ko pasand nhi thi to jb uske father ne usse baar bar puchh tha to mna krna chahiye tha na akele me bhi baat ki thi un logo ne to ...is tarh kisi ladki ki emotions se nhi khelna chahiye ..mai nind se utha jatai hu ...padhne baithti hu tb yad aane lgta hai ..kya log aise hi hote hai ladkiyo ki koi value nhi ..m sorry mai apko pareshan kr rhi but apse hi mai ye sb bol pa rhi hu...

0

Pta hai apko usne kya explain kiya ki papa aise thode hi bolenge bss unki height mujhe km lgi ... Or mai unke type ka nhi hu ....height ke bare me jbki unko phle se hi pta tha ..mere or jb mujhe dekha tha tb koi dikkat nhi lgi Han usi ne kiya tha na kisi ne pressure to dala nhi tha uspr ..or mai uske kan tk thi or kitni ladki lambi chahiye usko ..

0

Hii aunty ,apne kuch bola nhi ...ap thk to hai?