Let's Talk Forum


Relationships

Posted by kumarprahul12

Ham dono picchle 10 sal se ek dusre k sath relationship me hai . . Mai ek govt employee hu abhi mai kshatriya hu meri gf brahamin h uske patiwar wale ready nhi h sadi k liye hm log kya kare

Answer
moderator love-matters
0

kumarprahul12 puttar,
10 saal kaafi lamba time hota hai beta! Agar tum donno itne lambe time se ek doosre ke saath ho - to I am sure tum dono ko idea hoga ki yeh rishte main yeh problem aane wali hai. Agar tum dono mentally ready ho - especially woh ladki - to ek baar apne ghar walon se mil kar baat karo aur unhe last time samjhane ki koshih karo ki woh log caste ko lekar pareshani na khadi karein - unko ladki se milwao - uske gunn batao - fir suno woh kya kehte hain!

Please koi bhi kadam uthane se pehle - jis mein caste, dharam, age, parents ka virodh jaisee stithi saamne aa rahee ho- apni family aur apne lawyer / vakeel/ local police thaane,aas-paas koi NGO se apne haq aur adhikaron ke baare mein poori jaankari lein.

Yadi koi kadam uthate hain - to uske kya parinaam kya ho sakte hain - sab pooch leejiye aur aapko aur family ko kiss-kiss stithi ke liye tayyar rehna hai - uski poori knowledge le leejiye.

Akhir baat - apki GF - jo bhi hain, unse ek - do baar poori tareh se baat kar leejiye - ki koi bhi kadma uthane se phele kya veh poori tareh ready hain. Kya veh samjhtey hain ki kya kya ho sakta hai - like, kidnap ka charge, ladke ko fassa liya, maata ya pita yadi maar peet karne lage, ya ann-shann, ya suicide ki dhamki - ya kisi ko heart attack aa jaaye - to kya veh yeh sab seh leynge - ya dheele padh jaayeinge?

Aap full force ke saath aage badh rahe hain - aur aapka saathi ghabra ke peeche hat jaye - to phir aapki poori planning reh jayegee. Is kism ke sab baatien sochiye - poochiye - jaankari leejiye - aur phir kadm utahiye.

Umeed hai, sab baatein clear ho chuki hain. Aapko, hum sab ki ore se - best of luck. https://lovematters.in/hi/marriage/inter-caste-marriages-top-five-facts

Auntyji