Let's Talk Forum


Pregnancy

kinghack
Posted by kinghack

hell mam mera sawal ye h ki unsafe sex kiya hua ho aur 1-2 din huye ho to kaunsi pill lena chaiye jisse pregnent na ho aur kb tk leni hogi pil.

Answer
Mod_Aindrila
0

Hello,

Apaatkaleen garbh nirodhak goli ka sevan asurakshit sex jab hua tha, uske 72 ghanto ke andar lene se, garbh dharan ki sambhavna kam maani jaati hai. Lekin agar 72 ghante beet chuke hai, toh behtar hai ki sex jab hua tha uske kareeb 10-12 din ke baad aap apne partner ko ek home pregnancy test lene ke liye kahen. Isske pata chal sakta hai ki mahila garbh vati hai ya nahi. Adhik jaankari ke liye yeh link padhen: https://lovematters.in/hi/resource/pregnancy

Lekin haan, iss baat ka dhyaan rakhen ki in apaatkaleen goliyo ke adhik sevan se mahila ke sharir pe bura asar pad sakta hai. Aap iss vishay par yeh link dekh sakte hai: https://lovematters.in/hi/forum/question/42076

Dhanyavaad!

kinghack
0

yadi unsafe sex hua ho aur sex k baad mala d ya unwanted 72 pill kha li to pregnancy ruk sakti h aur kitne dino tk leni padegi ye pills taki prengnat na ho?

Mod_Aindrila
0

Hello,

Agar asurakshit sex ke baad 72 ghante beet chuke hai, toh Unwanted 72 kaam nahi karegi. Aur Mala D ka ismein koi asar nahi ho payega. Yaad rakhen ki apaatkaleen garbh nirodhak aur oral contraceptives contraception ke liye hoti hai, na ki abortion ke liye.

Jahan tak abortion ki baat hai, agar koi mahila abortion chahti hai, toh yeh unka haq hota hai. Agar aapki partner ka swasthya theek hai aur abortion ki wajah se koi medical complications ki sambhavna nahi ho - toh koi doctor unhe mana nahi kar sakte. Aur haan, agar garbh dharan 20 weeks ke andar hua hai, tab tak abortion ko surakshit maana jaata hai. Behtar hoga ki aap kisi government hospital ya ache clinic ke chikitsak se sampark karen. Aur iss vishay mein unki salaah lein.

Abortion pills medical salaah ke bina NAHI leni chahiye. Yeh isliye hai kyunki isse aapke partner ke sharir pe bura asar pad sakta hai. Yeh isliye kyunki unke swasthya ki puri jaankari aap dono ko nahi hogi, jo ki ek trained doctor hi sahi se bata sakte hai. Isliye behtar hoga ki aap kisi ache chitkitsak se ray lein iss vishay pe. Adhik jaankari ke liye padhen: https://lovematters.in/hi/resource/abortion

Dhanyavaad!