Let's Talk Forum


Relationships

Posted by sonu_k

Hello Auntyji,

Mai ek ladka hu. Meri umr 20 years hai. Actually meri problem ye hai ki mai pichle lagbhag ek do saal se kaafi jyada distracted hu. Iska sabse bada karan ye hi ki mere college ke friends , ya school ke purane friends ko apne apne girlfriend boyfriend ke sath dekh kar jealousy hona hai. Mai pehle se hi bahut shant tha is karan jyada friends nhi ban sake. Lekin abhi bakiyon ko dekh kar lagta hai ki meri hi koi girlfriend mhi ya aage chalkar kabhi bam payegi. Self confidence bilkul bhi nahi bacha. Padhai me bilkul bhi dhyan nhi lag raha.
Kya kiya jaye ki is tarah ki vichar bilkul bhi dimag me na aayein ?

Answer
moderator love-matters
0

sonu_k puttar,
relax. Abhi tum sirf 20 ke ho. Tumhare aage poori life padi hai. Aur haan aise vichar aana normal hai ki uski gf hai aur tumhari nahi hai. jealously normal emotion hai. Jab hamare paas woh nahi hota jiski hume ichha hoti hai - ya jo sab ke paas hota hai - to jealous feel hona swabhavik hai. Lekin beta tum apni kamiyon ki bajaye apni khoobiyon pe dhyaan do - ek list banao apne positives ki - un cheezon ki jo ki tumhari strengths hai - jaise ki kuch log maths/science main achne nahi hote lekin unki creative skills jaise ki arts ya music achha hota hai - ti aisa kuch. Iss tarah apne baare main kuch 10 points likh lo. Fir 10 aur points likho jo ki tumhari ichhayen hain - aur tum agle 5 saal main haasil karna chahte ho - jaise ki - man pasand area main kaam karna/kuch seekhna - jaise ki guitar bajana ya fir kuch bhi jo tumhe achha lage/ apne parents ke liye kuch karna/koi aisee jagah jahan tum travel karna chahte ho? Ya gf banana bhi ho sakta hai - Aise 4 -5 cheezon ki list bana lo - aur fir inko aise jagah pe laga do jisko tum roz dekho. Fir apni dono lists ko roz dekho. Apne positives ko dekh ke roz khush ho - aur usmein kuch na kuch add karte raho. Aur apni ichhaon ki list pe kaam karna shuru karo - imaandaari se. Jaise ki agar tumhe kahin tral karna hai - jaise ki agar tum maan lo Goa jana chahte ho - to uske liye tumhe kya karna hoga - paise jama karne honge - to kya tum kuch part time job kar sakte ho? Kuch kaam jisse abhi paise milein? Ya agar tumhe kissi se dosti kari hai to - iske liye kaise tum dost banaoge? Inn sab baton pe vichaar karo. Dukhi hone se better hai ki apni icchaon ko pura karne ke liye jee tod mehnat karo - apna 100% de do. Tumhe achha lagega. All the best puttar! Baaki koi aur problem ho to main to hun yahan - https://lovematters.in/hi/love-and-relationships/meeting-someone/how-do-...
Yeh bhi padh lo - https://lovematters.in/hi/love-and-relationships/i-am-too-shy-will-i-eve...

Auntyji