Let's Talk Forum


Pregnancy

Posted by NNNN555

hello mam,
meri wife ko abhi baby nhi chahiye wo abhi free life jina chahti hai. aur mujhe baby chahiye. to sex kare to kaise kare jis se baby na ho jaldi. aur mai khud ki sunu ya wife ki baat sunu

Answer
moderator love-matters
0

NNNN555 puttar,
Beta baby hone ka decision dono ka hota hai. Agar dono main se ek bhi partner ready nahi hai - to yeh faisla bahut galat sabit ho sakta hai. Aur ek aur baat - Baby ko 9 mahino tak teri wife he apne shareer main rakhnegi aur saari takleef bhi wahi sahegi - paina karne se le ke - uske baad bhi - 1-2 saal tak raton ko jaagna, baby ko dhoodh pilana, khana khilana, sulana, nehlana - bahut he zyada kaam hota hao - aur ghar ke log ya tum jitna bhi bolo madad kar denge - par shareerik aur mansik taur pe to usko he yeh sab ke liye ready hona hoga. Uski life hamesha ke liye badal jayegi - aur tumhari bhi. Tum dono baby aane ke baad apne upar kam aur baby pe zyada dhyan doge. Tumhari sex life kuch salon ke liye to bilkul he kam ho jayegi - kyunki tumhari wife baby ki dhekhbal, ghar ka kam, aur agar woh job karti hai - to woh kaam - yeh sab kaam karke kafi busy ho jayegi. Kya tum in sab changes ke liye tayyar ho?
Aur haan - tumko bhi baby ke liye financial taur pe tayyar hona hoga - baby ko paida karne se le kar uske college jaane tak - bahut kharcha hota hai - dawai, pregnancy ka kharcha, bacche ka dhoodh, khurak, fir use teeke/vaccination ka kharcha, diaper, bottle etc - uske baad school ka kharcha, kitabon ka , uske kapdon ka - kya tum uske liye tayyar ho? Yeh sab soch lo beta.

Kyaaap log 40 varsh se oopar hain? Ya 35? Agar nahi to teri wife ki soch ek tareh se bilkul theek hai, abhi enjoy karo, ek doosre ko jaano, ghoomo, baahr jao… maza karo, kaam ya job mein focus karo aur phir bachche ke socho- jab aap har tareh se tayyar ho, khaas kar ke hone waali maa. Yaad rahe beta, ki baby Ke aatey hee yeh sab change ho jaata hai- dono partners ke Ke beech mein bhi bahut kuch badal jaata hai, hain na… so jab tak fully ready na ho, thoda time do.
Theek hai?
https://lovematters.in/hi/pregnancy/unsure-about-being-pregnant/what-is-...

Rahi baat sex karne ki - to tum condom use kar sakte ho ya wife ko bolo ki lady doctor ke pass ja ke Copper T / Mirena jaise lambi avdhi ke garabnirodhak ke baare main check kare - yeh ek baar laga lo to 5 saal tak pregnancy ki tension nahi rehti - yahan detail main padh lo - https://lovematters.in/hi/birth-control/what-is-copper-t

Auntyji
0

Thank u So Much...