Let's Talk Forum


Relationships

Posted by Ajaysai

Hi auntyji me abhi ke relationship mai aane se pehle 2 3 ladkiyo ke sath relationship mai reh chuka hu lekin kabhi sex nahi kiya aaj tak lekin me abhi ke relationship mai hu wo bahaut serious jiske sath mai shadi karna chahta hu iske liye me ne apne pure past ke bare mai usko sab sach bata diya tha lekin jab me ne usko uske past ke bare mai pucha toh uske kabhi dhang se jawab nahi diya aur usne usko virgin he bata ya lekin jab humare rishte ko 1 saal ho gaya uske janam din ke baad usne mujhe apne past ke bare mai bataya wo kisi ke sath thi aur uske sath sex kar chuki hai jiski wajah se mera uske upar ka trust puri tarah tut chuka hai kyu ki usne pehle mujhse jhoot kaha jispe me ne yakin kiya tha lekin abhi me puri tarah andhar se tut chuka hu jiski wajah se me uske sath dhang se baat nhi kar pa raha hu nahi uske past ko bhula pa raha hu jiski wajah se me usko khush nhi rakh pa raha hu me bahaut try kar raha hu ye sab bhula ne ka lekin nahi ho pa raha hai kya iska reason me khud virgin hu iske liye toh nhi muje abhi khud se nafrat ho rahi hai wo mere sath sex karne ke liye bhi tayar hai lekin mere mentally disturbance ki wajah se kabhi sex karne ka bahaut Mann karta hai uske sath kabhi usko chune ka mann bhi nahi karta aur abhi wo bahaut jyada serious hai kya karna sahi rahega uske sath aage badh na chahiye ya wahi pe rukh jana chahiye usne wo ladke ke baad kisi ke sath relationship mai nahi thi but usne mera trust break kiya hai me ne usko ek chance de diya hai Lekin dimag mai se uska past nhi bhula pa raha hu jab bhi uske sath romantic baat karta hu toh wo sab kuch yaad aata hai kya karu mai kuch samajh mai nhi aa raha hai

Answer
0

Dear Ajaysai ,
Dost, relationship mein problems dukhad hote hain. inse ubarne mein kaafi samay lagta hain,
Jo aapko feel ho raha hain aur dukh ho raha hain woh hum samajh sakte hain dost.
Accha chaliye kuch aapke GF ke side se bhi sochne ka prayas karte hain. To unhone aapko apne past ke baaremin kaafi bad mein bataya , right... aap is baat ko leke toot chuke hain..
Haan shayad aap soch rahein hain ki unhone aapko pehle unke past ke baaremein kyun nahi bataya jab aap unse sab kuch share kar rahein the... dost hum ye kehna chahenge.. ki unhe jab comfortable feel hua ki ab weh unka past share kar saktee hain.. tab unhone share kiya. aur apko jab comfortable laga tab aapne..
Kya unka past aapko upset kar raha hain dost? Ye apne aap ko poochiye.. aur kyun.. ye bhi jaaniye. Yeh to wahi baat hui ki unke past ki wajah se aap apna present ko thukra rahein hain. Jo beet gayee so beet gayee, abhi aapka aaj aapke samne hain aur woh aaj bahut hi khushaali ka hain.. Hian na?
Chahe to unse kuch dino ka break lijiye, taaki aap apne vicharo ko tatol sakein, samjhe.. Phir nirnay lijiye, ki aap is rishte mein aage jana chahte hain ya nahi.
Sabr se kaam lijiye... In links ko bhi padhiye. https://lovematters.in/hi/love-and-relationships/relationship-problems/c...
https://lovematters.in/hi/love-and-relationships/relationship-problems/w..., all the best.

0

Thank you auntyji par me aisa kya karu jo me ye sab bhul ke uske sath pehle jaisa rishta bana sakta hu kyu ki muje uske sath shadi karni hai jo pehle jaisa humare bich mai tha me apna Dhyan kaise bhatka sakta hu ye sab pe se kyu ki me ne jab usse break manga toh usko laga me chhod ke ja raha hu jiske wajah se wo mujhe akela rehne nhi de rahi hai aur fir din ba din humare jagde badh rahe hai me ne uske sath bahut bura vyvahar kiya hai muje bhi taqlif ho rahi hai lekin me kya karu uske atit se me nikal nhi pa raha hu toh

1

Hello Ajaysai,

Aap keh rahe hain "me ne uske sath bahut bura vyvahar kiya hai" yahan aap yeh baat samjhiye ki agar aap is baat ko accept karke aage nahi badh sakte hain toh unhe khul kar boliye, is rishte par viraam lagaiye lekin unhe kisi bhi confusion mein mat chodiye. Aur usse bhi jyada zaruri baat yeh hai ki wajah chahein jo bhi bura vyavhaar ek rishte mein acceptable NAHI hai.

Aapko pata hai bahut si mahilayein apne past ke bare mein khul kar purushon ko isliye bhi nahi batati hain kyunki jo aap abhi kar rahe hain unhe ussi ki shnkka/darr hota hai.
Bhaut kum log ek rishte mein pyaar par kisi ke past ko haavi hone se rok paate hain. Maante hain unhone apase yeh baat chupayi, aur woh chahti toh shayd chupaye bhi rakh sakti thin. Lekin unhone aapko bataya, dhokhe mein unhone aapko nahi rakha, sirf yeh baat aapko batane ke liye apna samya liya. Jo unka dhikaar hai.

Koi insaan aapse kitna pyar karta hai, aapko izzat deta hai yeh baat kabhi bhi iske past woh bhi is choti si wajah se ki unhone kisi ke saath sex kar rakha hai se badi-upper nahi ho sakti.
Woh kisi ke saath tab thin jab aapka unki zindgi mein namonishaan nahi tha. Ab kewal aap hain-Aapko sirf itna sa antar samjhna hai.

Samya lijiye, unhe boliye aap itna samya lena chahte hai, lekin koi bhi bura vyavhaar-batmizi swikariya nahi!!! Rishta chal sakta hai aage theek hai, nahi chal sakta toh woh bhi unhe khul kar boliye aage badhiye. Bus!

Yeh padh lijiye, madd milegi:
https://lovematters.in/hi/love-and-relationships/relationship-problems/w...
https://lovematters.in/hi/love-and-relationships/sexual-harassment/india...

All the best.

Kiran Ki Rai.
0

Shayad aap ne mere bure vyavhar ka matalab alag samja me sirf usse thik se baat nhi kar pa raha hu humesha jagda karta hu kisi bhi chiz ko leke

0

Thank you so much aapki help ke liye bahaut achha laga aap ne mujhe thik se samajaya kuch chize apne hath mai hoti hai kuch nhi usko accept karne mai he bhalai hai ye baat samaj mai aa gayi

0

Aapki website sach mai bahut achha kam kar rahi hai bahut si problem se face karne wale yaha aane ke baad sudhar sakte hai aapke is kaam ke liye aapko salute

0

Nahi dost, bilkul bhi nahi-Hum yahan aapko achha ya bura vyakti samjhne nahi kewal sahi, nirpeksh jaankari se ek sahi salah dene ke liye hain. Hamein behad khushi hai ki aapko yahan madd mili. Hamase jude rahiye, apna khyal rakhiye:
https://lovematters.in/hi

All the best!

Kiran Ki Rai.