Let's Talk Forum


Relationships

Posted by shivamyadavay

Mai ek ladki se shadi krna chahta hu.. mai usse bhut pyar krta.hu..
Uske ghar walo ne jabarjasti uski.shadi kahi aur kardi.
Ladki waha bilkul.khush nahi hai.bol rhi hai ki agar ladka mujhse jabarjasti kiya to mai apni jaan de dungi...
Aur kah rhi hai mujhe yha se le jao.kaise bhi..

mAi usko waha se kaise nikalu.meri help kijiye.. vo meri.bina ni.rah skti

Answer
moderator love-matters
1

shivamyadavay puttar,
Beta yeh to achha nahi hua. kya ladki baalig hai - 18 se upar? Aur tum? Agr haan to sab se badiya tarika yeh hai ki woh sab sach apne pati ko bata de ki uski shaadi jabardasti kara di gayi hai aur woh uske saath nahi rehna chahti. Fir woh yeh bata sakti hai ki woh tumhare saath shaadi karna chahti hai. Lekin beta - iske liye usko pehle divorce lena hoga. Ab ladki ke parents to uski madad karenge nahi agar unhone yeh zabardasti kia. Tumhe yahan women help line 1091 ya police ki madad leni padh sakti hai.
Kaafi mushkilon ka saamna karna padh sakta hai - kya tum taiyyar ho? Soch lo beta - aur sab se ahem baat - tumhare ghar pe sab ready hain? Tum financially independent ho? Kamate ho? Uska khyal rakh paoge? Usse baat karne se pehle apne ghar walon se zaroor baat kar lena aur jaan lena ki kya woh iss kadam main tumhare saath hain? Agar haan, tabhi aage badna.
Aur haan ladki ko bhi ek baar theek se samjha do - kya woh tayyar hai? Kya woh yeh baat apne husband se kar payegi aur uska support le payegi? Agar nahi to fir uske kya options hai? Kya woh police/mahila help line ko sab bata sakti hai? Apne parents ko hamesha ke liye chod sakti hai? Kyunki woh to uska saath nahi denge - Bahut bada kadam hai beta - soch samajh ke lena padega. So inn sab baton ko achhi tarah soch lo - aapas main detail main baat karo - fir kuch kadam uthana! https://lovematters.in/hi/bharat-mein-court-marriage

Auntyji
0

Mam mai apne mujhe bhut sahi tarike se smjhaya aur mai apke her ek sabd ko bhuy dhyan se padha aur mujhe abhi kuch sahas mila.ye padh ke..
Mam mere last question ka answer de dijiye bs..
Mam mai baalig hu aur mai abi student hu..
meri family intercast marriage ko.kabhi allow ni kregi kisi bhi hal.me..
aur mam uski.family ne to jabarjsti shadi already krwa di .
to mam mai financially.bi kuch ni kr rha hu , family.bi support nahi hai...aur vo kah rhi h ki agar vo ladka mujhe touch krega to.mai apni jan de dungi., tum mujhe le.jao yha se...
mam mai bhut pyar krta. hu ussey..
aur mai dr rha hu ki agar maine aisa kuch kiya.to police case hone me baad kabhi gov job ni kr paunga
Mam is last question ka answer de dijiye bs plz

moderator love-matters
0

shivamyadavay puttar,
beta waise to woh aisa karegi nahi. Aisa karna bahut he mushkil hota hai - tum usse baat karo - usko pyaar se samjhao. Ho sake to uske parents se baat karo ki woh tum ko aisa keh rahi hai - kya karna chaiye tumko. Ya parents see baat nahi kar sakte to uski koi dost hai? Koi bhai behen? Unko bolo ki woh iss tarah ki baat kar rahi hai.
Dekho beta emotional ho kar bahut se log aise bolte hain - lekin iska matlab yeh nahi ki tum usko badka rahe ho ya tum par kuch police case hoga. Ghabrao nahi beta - aisa kuch nahi hoga. Tumhara koi kasoor nahi hai. Jo bhi shaadi ki uske ghar walon ne zabardasti ki - aur uske pati ne ki. Tumne ismein kya kia? Yahi ki tum uske ex-bf the? Isse koi police case nahi hota - tum shaant raho.
Uss ladki ko bolo ki agar woh apne pati ke sath sexual sambandh nahi banana chahti to usko mana kar de - ki woh abhi iske liye ready nahi nahi - mentally aur emotionally. Uske baad bhi agar uska pati force karta hai to usko help leni chaiye. Lekin beta sach kahun, agar tum abhi student ho aur padhai kar rahe ho - earn nahi kar rahe - to beta ismein sirf dost ban ke uska saath do - usko koi bhi jhoothi ummed mat jagao beta - usko tum bhi saaf saaf bata do - pyaar se - samjha ke - ki tum abhi uski zimmedaari nahi le sakte. Uske baad usko apne husband ke saath adjust karna hai ya nahi - yeh uska apna faisla hoga. Aur haan tum par koi police case nahi hoga - kiss baat ka case beta? Haan agar jyada darr hai to tum usko pyaar se samjha ke break up kar sakte ho - hamesha ke liye. Ek message main proof ke saath - call par nahi. Jisse yeh clear hoga ki ab tum usse related nahi ho aur na hee usko kissi baat ke liye uksa rahe ho. Lekin usse pehle usko ache se samjha sako to samjha do - zindagi badi achhi hai - iss tarah se marne ki batein kar ke usko waste mat karo! Hazaon log aise hain to jeena chahte hai - lekin bimari ki wajah se nahi jee sakte. Aur yeh pyar, break-up, yeh sab to chalta rehta hai - aaj hai, kal nahi hai. Jab hai tab enjoy karo - jab nahi hai - tab usse seekho aur move on karo - aage badho! Na ki marne ke batein karo ! All the best beta!

Auntyji
0

Mam apko bhut bhut dhanyawad , apne mujje ek achha decision lene me bhut he jyada help kiya, Mai hmesa apka abhari rahunga ..thank you so much mam.
Aajkal log free ka salah bhi ni dete aur aap itna achha kaam kr rhai hainn

apke page ka.koi whatsapp group ya instagram, facebook kuch hoga to jarur btaiyega mam..mai waha pe add ho jaunga apke page se..

And once again than you so much Mam

moderator love-matters
0

shivamyadavay puttar,
Thanks beta! Bahut achha laga yeh sun ke. Hum logon ki bas yahi koshish rehti hai ki hamare readers sahi jaankari haasil karein aur apne decisions lene main samarth bane! Muje khushi hai ki main tumhari kuch madad kar saki. Hum logon ki website hai - https://lovematters.in/hi jahan hum love, sex aur relationships ki scientific aur bina judge kiye hue jaankari dete hain. हिंदी या अंग्रेजी में सामग्री प्राप्त करने के लिए आप +91 9650041107 पर मैसेज करके हमारे पैन-इंडिया वाट्सऐप लिस्ट में शामिल हो सकते हैं। हिंदी में कंंटेंट पढ़ने के लिए +91 9650041109 पर मैसेज कर हमारी फीड्स को सब्सक्राइब करें। Hum log Facebook pe bhi hain - https://www.facebook.com/lovematters.india
Yahan bhi - https://www.facebook.com/groups/LoveMattersIndia/
Best of luck beta...apna dhyaan rakhna!

Auntyji