Let's Talk Forum


Relationships

Posted by Megha Mishra

Mam, aapki baatein sahi hai, mai usey bhul bhi rahi hu... But kuchh dino se mere mind me kuchh ajeeb baatein aa rahi hai, jaise ki kahi uske paas mera koi video to nhi hai na, Q ki kai baar mai pahle usey call karke presaan karti thi to wo mujhe badnaam karne ki dhamki de chuka hai,
Aur ek cheeze Or share karni thi mujhe ki last tym jab hum mile the toh wo samne chrome khol ke rakha tha table pe door me laptop me, aur waise toh wo mujhse andhere wale room me milta tha, but pta nhi uss din wo dusre room me mila jisme achhe se sunlight thi.... Maine baad me usse puchha bhi ki mujhe daubt hai tumpar, to wo kasme khane lga bhagwaan ki, ki esa kuchh baat nhi hai aur halaki uss din or kuchh hua nhi tha bss oral hi, mujhe ajeeb sa drr lg raha

Answer
moderator love-matters
0

Megha Mishra puttar,
Relax. Daro matt. Agar uske paas aisa kuch hai bhi aur woh isko leak karne ki koshish karta hai - to pehli baat - un sab videos main woh bhi to hoga? Aur dossri baat - agar woh yeh karega to police usko chodegi nahi. Woh bahut he buri tarah se fass sakta hai. Hamare desh main cyber laws bahut he zyada strict hain. Koi bhi ladka agar kissi ladki ki images release karta hai ya blackmail karne ki koshish bhi karta hai - to yeh illegal hai. Tum agar police ko sirf yeh bol bhi dogi ki tumhe uss ladke pe shakk hai to woh uska laptop, mobile, sab kuch le lenge. aur usko jo saza milegi - woh alag.
Tumhare mann main agar koi bhi doubt ho raha hai to dun 2 kaam kar sakti ho. Pehle uss ladke se last time milne ko bolo - usko bolo ki tum usse break-up kar chuki ho - aur tum usse bas kuch doubts poore karne ke liye mil rahi ho. Aise main tum apne phone main voice recording ka option kar sakti ho. Aur uss time usse pooch sakti ho ki kya uske paas tumhare videos to nahi hai? Uska jo bhi response hoga - usko record kar lo. Bas. Usko yeh bhi bol sakti ho ki tum chahti ho ki woh tunhare saare videos ya chats delete kar de. Fir uska reaction dekho.

doosri baat yeh hai ki agar woh tumko pehle dhamka chuka hai to tumko mahila helpline main uski complaint karni chahiye. 1091 number ya 100 pe. Unko call kar ke yeh bol sakti ho ki tum apna naam nahi batana chahti lekin tumko iss ladke ne blackmail kia tha. Aur bas police ko yeh bol do ki woh log isko ek warning de dein ki agar woh aisa kuch bhi karega - to theek nahi hoga. Woh police ke ek call se he darr jayega aur fir kabhi aisa nahi karega - police ke naam se bade badon ki sitti-pitti gum ho jaati hai. Try it! Aur kuch articles ke links de rahi hun - wahan pe bhi tumko details mil jayengi - https://lovematters.in/hi/love-and-relationships/what-to-do-if-your-part...
https://lovematters.in/hi/love-and-relationships/revenge-porn-how-to-dea...

Auntyji
0

Mere paas uska dhamki wala recording to hai, but wo jo bola tha ki mere paas esa kuchh nhi hai, aur kasam khaya tha, wo wala nhi hai... Mujhe wait krna chahiye ya action lena chahiye, waise yaha mai ek baat Or btana chahungi ki ye dhamkiya mujhe usey call krne pe milti hai, mtlb mai agar kisi bhi baat ke liye call kru to wo irritate hota aur dhamki deta hai, otherwise wo kuchh nhi bolta shant rahta hai... Agar mai call na kru to uska bhi call msg nhi aata aur na hi dhamkiyaan milti hai.

moderator love-matters
0

Hmm beta, kya tum saari Umar yahi darr se rehna chati ho ki kahin woh kuch kar na De. Ya fir hamesha ke liye yeh kissa aur darr apne mann se khatam karke aage badhna chahti ho. Ya to tum ek last baar usse call kar ke yeh bol do ki agar usne aisa kuch bhi kiya jiski woh dhamkiyan deta hai - to tumne police ko bol diya hai aur woh turant action lenge. Tumne kissi police wale ya ngo se yeh baat share ki hai. Abhi formal complaint nahi ki. Bas yahi kehna tha keh ke call band kar dena. Ya for yeh bat message main bhi keh sakti ho ya fir kissi dost ke madhyam se. Yeh sirf ek suggestion hai iss darr ko hamesha ke liye khatam karne ke liye. Aage tumhari marzi! Jo bhi karo soch Samaj ke karna. Darna nahi!

Auntyji