Let's Talk Forum


Pregnancy

Posted by Megha Mishra

Mam, maine 15 june aur 25 june ko ubsafe sex kiya, mera last period 5 june ko aaya tha... Aaj abhi tak period nhi aay hai, maine aaj morning me 2 baar pregnancy test liya to, t wali line bahut halki, itni halki ki phone camera bhi capture kar nhi paa raha tha.... But line tha.... Kya mai pregnant hu? Aur agar haa, to safely abortion kaise karu? Taki future me concieve karne me problm na aaye

Answer
moderator love-matters
0

Megha Mishra puttar, sab se pehle to relax. Hum log tumhare saath hain. Halki line ka matlab yeh bhi ho sakta hai ki tumne test ko kaafi der baar read kia. Kya tumne immediately read kia tha? Ek dam main. to koi positive line nahi aayi thi na? Ek aur matlab ho sakta hai halki T line ka - Ho sakta hai ki tum pregnant ho lekin abhi pregnancy wale hormone ki matra bahut kam hai. Aur tumhe sahi results ke liye 3-4 din wait karna hoga. Lekin beta 3-4 din wait karna bahut stressful hoga.

Meri salah yeh hai ki tum kaldi se kisi gynaecologist ya lady doctor ( registered doctor only - koi nurse ya staff nahi - ok?) se milo aur dekho kya ho sakta hai. Abhi jyada nahi hua hai to tum medical termination of pregancy/ya abortion kara sakti ho, kisi bhi clinic mein. Yeh bilkil legal hai. Ismein woh tumhe ek goli denge aur uske baad bleeding hogi - kuch ghante baad - heavy wali - aur fir 1 week tak period types ki bleeding hogi. Yahan padh lo - https://lovematters.in/hi/pregnancy/unsure-about-being-pregnant/medical-... Cramps bhi ho sakte hain. Par ghar pe he manage ho jata hai. Chinta ki baat nahi hai agar tum apni doctor se touch main raho to. https://lovematters.in/hi/unsure-about-being-pregnant-what-is-abortion

Kisi bharosemand doctor ki rai lena aur kisi neem hakeem ya chemist ki baaton mein bilkul mat aana. Yeh future ke liye theek nahi hoga. – DOCTOR ONLY. https://lovematters.in/hi/resource/unplanned-pregnancy Iske alawa tum FPAI clinic se sampark kar sakte hai jiski jaankari aapko issi website pe mil jayegi. FPAI clinic near me google main search kar sakti ho. https://www.ippf.org/about-us/member-associations/india

Please ghabrana mat, tension mat lena, stress mat lena. Apna dhyan rakhna. Ho sake to apne partner se contact karo aur uske saath bhi share karo - aur usko bhi involve karo - help me. Stress kam hoga.

Auntyji
0

Pahle c wali aayi uske kuchh baad t wali aayi, aur 5 min, jitna instruction me likha tha wait kiya, maine do baar test kiya, dono same result raha, aur partener sath to hai but wo kah raha hai ki, pahle gharelu upay, lyk papita, adrak ka kadha, ye sab try krte hai, naturally ho gya to behtar, uske baad dr ke paas chlenge...., aur mujhe dar hai ki kahi mere shahar me pta na chl jaye kisi ko, aur maine ye bhi suna hai ki agar first pregnancy abort kiya jaay to baad me complications bhi aayengi maa bnne me, mai kya kru, mere exams bhi aa rahe hai..

moderator love-matters
0

Megha Mishra puttar,
Please, yeh sab gharelu upay sochna bhi mat! Isse diarrhoea, loose motions, pe kharab ho jayega aur abortion nahi hoga. Aise bahut se cases dekhein hain maine jahan pe log yeh sab karne main time gawa dete hain aur pregnancy late ho jaati hai. Tum kuch time tak sirf goli kha ke he abortion kara sakti ho. Practo app hai ek. Download karo. Wahan pe doctor ko call kar lo - video consultation - koi bhi aisee doctor jo ki tumhare sheher se na ho - aur tum apne partner ke phone se kar sakti ho - taaki tumhara number bhi kissi ko na pata chale. Doctor tumhe prescription likh degi. Agar ho sake to hee clinic pe bulayegi. Dont worry - koi sheher ke doctor ke paas mat jao - koi thoda door ke doc ke paas jao - agar dar rahi ho to.

Aur haan abortion ke baad normally conceive hone me koi problem nahi aati. Yahah padho - https://lovematters.in/hi/pregnancy/will-i-be-able-to-conceive-after-an-...

Lekin yeh tab hota hai agar abortion sahi tareeke se kiya jaaye - doctor ki nigrani mein. Agar Gharelu nuskhe karogi to baad main bahut problems aa sakti hain. So please Kuch bhi apne aap mat karna, bina doctor se pooche. Aur haan doctor se Copper T ya Birth control pills bhi baad main zaroor discuss karna agar partner condom use nahi karta. Kyunki baar baar stress nahi lena chahiye. Sex log enjoy karne ke liye karte hai - na ke stress ke liye. Lekin woh sab batein baad main - pehle sahi jagah jao. Doctor se baat karo.

Auntyji
0

Thanks mam...

0

Partener I think, sath chhor dega....
Mai kya kru ab? Mujhe achha rasta dikhaiye

0

Wo ready hua hai, dr ke paas jaane ke liye, mai kaise samjhu ki kon dr specialist hai, internate pe toh, sabhi thik hi lgte, aur isme kharcha kitna aayega , aur mai nhi chahti ki mere maa papa ko pta chle , to wo kya kya dcument maang sakte hai, aur mai khud ko safe rakhte huye, kaise cheezon ko handle kru? Mai 24 year ki hu, boyfriend 27 year ka h.. ... Mai dr se milke kya kya bolu... Plzz aap samjhiaye mujhe vistaar me.... Meri hlt bhtt khrab h

0

Dr se mil ke aayi hu aaj mai, drr pahle toh bahut daati... Uske baad bina check kiye hi boli ki weak pregnancy hai, aur kuchh test thyroid wgerah karne ke liye boli aur sath hi, hi 2 type ki dawayen, misoprostol vagina me rakhne boli hai aur primolur n khane di hai, aur boli hai ki period na aaye toh 10 din baad milna safai karwayenge, fir hum dono ne jabardasti ultrasound likhwaya, to fir apne mn se hcg test likh di, aur ultrasound me kuchh nhi nikla... Sab normal h

moderator love-matters
0

Megha Mishra puttar,
Sorry main weekend pe tumhare questions na padh saki. Abhi sthithi kaise hai. To pregnancy nahi hai? Sab theek hain na? Tumne medicine to nahi li thi na? Haan ek achha doctor dhoondhna thoda mushkil hota hai. Agar HCG test main HCG normal hai - to pregnancy nahi hoti - usko pehle HCG test karwana chaiye tha - so usne kiya. Second step ultrasound hota hai. HCG ek aisa hormone hai jo ki pregnant mahilaon main zyada hota hai - aur iske zyada hone se he test postive aata hai. Tumhara weak postive tha to matlab HCG kam tha.
Beta tum bahut stress main hogi. Main tumhe abhi rest karne ko blungi aur yeh bhi kahungi ki please contraception ka use karo. Bahut easy hota hai condom use karna. Lekin abhi tumhe lecture ki nahi - pyar ki zaroorat hai - agar tum saamne hoti to main tumhe hug kar leti. I hope tum relaxed ho abhi? Apna dhyan rakhna!

Auntyji
0

Mam, beta hcg test is 0.05 aur homepregnancy test abhi bhi positive aa rahe hai, kya kru ab mai, dawaiyaan bhi khaa li doctor wali, fir bhi period nhi aayi hu, kya blood test bhi wrong ho sakte hai, aur ab toh kuchh samajh nhi aa raha hai, 4-4 homepregnancy test le li hu, itna toh glt nhi ho sakta na, kya mujhe fir se bloodtest karwana chahiye, aur agar mai pregnent hu toh ye clear ho q nhi raha hai? Agar jaldi pta lg jata to medical abortion bhi ho sakta tha, but yaha to mera case hi ajeeb sa hai, mera mind puri tarah se thak gya hai, pdhaii likhane sab chaupat hai aur ab to partener bhi sath nhi de raha,

0

Aaj fir gyi thi mai doctor ke paas, she said it is negative aur bolti hai ki agar ek week me nhi aaya period to safai krna hoga? Mtlb ab kru to kya kru mai, period aa nhi rahe, doctor achhe se kuchh bol nhi rahi, ky gynoclogist change kru? Ya kya kru, plzz reply

moderator love-matters
0

Megha Mishra puttar,
. Ab sthithi kaisee hai? Relax beta, main samajh sakti hun ki tum bahut stressed ho. Beta tension thoda kam lo - tension se bhi periods late ho jaate hain. Aur haan, agar pregnancy test positive aa raha hai to tum doctor pe trust karo. Agar usne medicines di hain to unhe lo - aur uske touch main raho. Iske ilawa to hum sirf wait kar sakte hain. Sabse achha to yeh hai ki tum doctor ke touch main ho. Uska phone number le lo. Lekin agar woh tumhare sawalon ka jawab nahi de rahi ya tumko ignore kar rahi hai to ek second opinion le sakti ho - Kissi aur doctor se.

Mujhe pata hai tum partner ke behaviour se bhi pareshan ho - usko iss time tumhara sab se zyada saath dena chaiye tha. Kya tumhari koi dost hai tumhare saath? Jo tumhare saath doctor ke pass chali jaye? Usko le jao apne saath. Aur doctor pe bharosa rakho. Sab theek ho jayega.

Auntyji
0

But hcg 0.05 hai, ye toh negative hai n?

0

Kya esa bhi hota hai ki beta hcg test galat ho? But 5-5 home pregnancy test, positive hona ye kya h?

moderator love-matters
0

Megha Mishra puttar,
Haan hcg to negative hai. Lekin ho sakta hai ki test ke baad badh gaya ho isliye pregnancy test main positive aa raha hai. Meri salah yeh hai ki tum doctor ke kehne pe chalo abhi because isme aur bhi reports hain jismein corelate karna padega - jaise ultrasound etc. Aur agar iss doctor se satisfaction nahi mil raha to change kar sakti ho.

Auntyji
0

Aaj to period jaisa aaya hai, 2 pad bheege hai, pain bahut jada ho raha hai, jo ki kuchh der baad thik ho gya , blood aa rahe hai, kya ye period hai ya kuchh or?

moderator love-matters
0

Megha Mishra puttar,
Agar tumne abortion ki medicines khayin hain to yeh fetus abort bhi ho sakta hai - agar bleeding bahut zyada heavy hai to abortion bhi ho sakta hai. Lekin achhi baat yeh hai ki ab pregnancy ka koi tension nahi hai. Aur bleeding hone se stress bhi khatam ho gaya hoga thoda- Lekin pls doctor se in touch rehna. Usse batati rehna. Ho sakta hai woh confirm karne ke liye kuch din baad ultrasound bole.

Aur jab yeh sab theek ho jaye to please kpi long term contraceptive jaise copper T ya Mirena ke baare main doctor se pooch lena. Yeh 5 saal tak kam karti hain. Koi side effects bhi nahi hote zyada. Apna dhyan rakhna !

Auntyji
0

Nahi, wo abortion ki medicine nhi thi, period start hone ki medicine thi, but kal night maine kuchh gharelu upay kiye the, period jldi laane ke liye, aur bleeding period jese hi normal hai,
Kya mai kal milu doctor se jaakar?

0

Period bss do hi din rahe... Kya kru ? Kuchh suggestions?