Let's Talk Forum


Relationships

Posted by Megha Mishra

Mam mere sath past kuchh waqt se kya sab ho raha tha aap wakif hi hai, ab mera boyfriend jiske wajah se maine itni taqleef jheli, wo mere se breakup kar liya, aur wo bhi bahut gande tarike se, abusive language n all...... Reason kuchh nhi hai uske paas Breakup karne ka, bss ek hi baat bol raha ki tu bahut ajeeb hai tere sath nhi rahna... Ab mujhe apne aap se bahut hate ho rahi ki maine uske sath physical relationship Q bnaya.... Aur ab mujhe drr bhi ho raha ki kahi wo hum dono ke baare me sabko bta na de.... Mai khud ke nazaron me gir gyi hu..... Aur wo bahut khush hai.. Nye Relationship ke liye try bhi kar raha hai..... Mai kya kru..... Kaise overcome hou?

Answer
moderator love-matters
0

Megha Mishra puttar,
Main samajh sakti hun tumhe bahut bura lag raha hoga - pehle pregnancy wala stress aur ab jab tumko sab se jyada uske saath ki jaroorat thi to bf ne break up kar diya. tumhare liye yeh sab mushkil hoga. But please beta - ek baat hamesha yaad rakhna - yeh relationship main tum dono apni marzi se the - sex bhi tum dono ne apni marzi se kiya - to tum guilty akele kyun feel kar rahi ho aur woh kyu khush hai? Agar koi guilty feel karne wali sthithi honi chiaye to usko bhi hona chaiye - kyunki woh bhi usmein equally shaamil tha - haina? Tum akele to thi nahi iss relation main - tum dono ek saath the - to please yeh kuch galat nahi hai!
Tum please aisa mat socho ki tumne kuch galat kia - ya tumhe guilty feel hona chahiye.
Duniya main hum bahut se login ko milte hain - kuch achhe hote hain - kuch galat aur selfish. Jab tak hum bure ya selfish logon se na milein tab tak hume achhe logon ki kadar kaise pata chalegi - haina? So beta - yehi zindagi hai - tum apne experience se bas seekho - aur aage badho. Aisa aage ho sakta hai tum fir karo - fir kissi insaan se milo - jo selfish ho - sirf apne baare main soche - kyunki zindagi to bahut lambi hai na.

So please megha puttar, guilty hona chodh do - apni nazron main girne jaisa tumne kuch nahi kia - tum ek insaan ho - aur galti insaan se he hoti hai - ismein apni nazron mein girne wala kuch nahi hai - tum ek relationship main thi - bas partner galat nikla.

Abhi chalo smile karo - aur promise karo ki aisa kuch nahi sochogi. Tum bahut bahadhur ho - tumne itni himmat rakhi - uss time main apne aap ko bhi dekha aur doctor se bhi lagatar akele uss situation ko tackle kia - isse achi baat kya hogi ! Apne aap ko kissi se kam mat samjho - Tum apni nazron main apne aap ko upar uthao - Aur abhi iss time apne aap pe focus karo - apni life pe - apni health pe - aur naye dost banao. Lekin apne iss experience ko kabhi mat bhoolna - isse seekh lena - jo iss relation main hua - usko analyse karo - dekho ki kyu yeh toota - aur iss seekh ko yaad rahko - bas. taaki aage aane wale samay mein agar tum fir kabhi relationship main aati ho - to woh sab dobara tumhare saath na ho - tumhe fir se koi aise treat na kare jaise usne kia.

Rahi baat daar ki - to tumne koi galat kaam nahi kia - batane do use jo bhi batata hai - agar jyada pareshan karega ya kuch bhi galat bolega to tum police ko bhi report kar sakti ho - bas ek complaint ke der hai aur usko pata chal jayega! Waise to woh aisa kuch nahi karega kyunki agar kuch bhi batayega to uska naam bhi to aayega! Haina? So usko bhi utna he darr lag raha hoga! So iss sab ki chinta mat karo!

Yeh bhi padho - रिश्तों में ब्लैकमेल से जुड़े कुछ महत्वपूर्ण तथ्य - https://lovematters.in/hi/love-and-relationships/blackmail-in-relationsh...

Auntyji
0

Mam, aap sahi kah rahi hai, mai bhi pure college me top karke rahungi... Aur khud ko proof karungi.... Aur uske taraf toh ab bilkul bhi nhi dekhungi...... Usne mujhe loser bulaya na, but mai loser nhi hu mai bahut work karungi ab khud par, aur ab mujhe shikaayat nhi usse, wo mere jaisi ladki deserve hi nhi karta hai..

moderator love-matters
0

Megha Mishra puttar, All the best! I am sure tum karogi aur tum kissi bhi angle se loser nahi ho - loser woh hai jo tumhe aisa bola! Best wishes!

Auntyji