Let's Talk Forum


रिश्ते

जिसके द्वारा दर्ज किया गया vishiv

Hello aunty , Meri age 22 yrs hai, mai ek ladki ko apne school time se like karta hu lagbhag 7 saal se but kabhi keh nahi paya tha. But pichhle mahine ek din chat karte hue usne mujhse poochha koi hai jise tum like karte ho tab main badi himmat se haa keh diya lekin ye nahi bataya ki wo wahi hai. Phir maine us se poochha ki tum kisiko like karti to usne ek other ladke ke baare me bataya but wo use accept nahi kar raha hai, kehta hai wo us ladki ke layak nahi hai .Uske baad us ladki ne bahot zabardasti karke mai jisko like karta hu uske baare poochha to mere se raha nahi gaya aur maine use kaha wo tum hi ho, to usne kaha you will find better and she will be as a good friend. Aur uske baad usne message Kiya ki tum achhe ladke ho but use kisi aur ki habit si ho gayi hai , nahi to mere baare jaroor sochti. Aisa hone ke chaar din baad usne mujhe unfriend kar diya aur message karna bhi band ho gaya aur mai bhi dobara koi contact karne ki koshish nahi kar saka.
Maine socha tha ki jab mai ek achhi job karne lagunga aur stable ho jaunga to us ladki se is topic pe baat karunga but wo time aane se pahle hi ye sab ho gaya , ab mai bahot disturb ho gaya hu mentally aur physically bhi , thoda bimar rahne laga hu. Mai us ladki ki feelings ki respect karta hu but wo ladka use accept nahi kar raha hai yeh soch kar aur bhi jyada takleef ho rahi hai,
Jiske karan meri study bhi kafi affect ho rahi hai. Ab mujhe samajh nahi aa raha hai mai kya karu.
Aur hum teeno ki caste bhi alag-alag hai.

Mai us ladki ko bahut like karta hu ya love karta hu but wo kisi aur ko like karti hai aur wo ladka khud ko uske layak nahi samjhta isliye use accept nahi kar raha hai.

Please mujhe sahi guidance dijiye.

उत्तर
मॉडरेटर love-matters
1

vishiv puttar,
Yeh bahut achhi baat hai ki tum usko contact nahi kar rahe aur uski feelings ki respect karte ho. To uske liye shabash! Rahi baat break-up ki. Yeh bahut takleefdeh hota hai.

Main janti hun ki breakup se ubharna mushkil hota hai, khaskar tab jab rishta lambe samay ke baad tootta hai aur aapne is saath ke bahut sare sapne dekhe hote hai. Tum dono to 7 saal se ek doosre ko jaante ho - to ek he din main kaise bhool sakte ho - possible he nahi hai.

Ek aur baat - woh bhi abhi tumhari he jaisee situation main hai. Usko bhi uss ladke ne reject kar diya hai. So uski situation bhi tumhare jaisee he hain. So usko thoda time do. Nahi baat karegi woh abhi.

Isse ubharane ke liye sabse zaruri hai - apne apko samay do. Kisi bhi neeji rishtey ke tootne par jo takleef hoti hai wo asahaniye hoti hai aur ham kamzoor mehsus karte hai. Aur rishta khatam hone ki takleef shayad tujhko ye bhi mehsus kara rahi ho ki tujh mein hi koi kami hai. Ye sarey sawal tere mann mein aayenge aur tujhe in sab cheezon ka mukabla karna padega.

Samay aur sahansheelta hi tujhe is dard se ubharegi. Tu nayi shuruwat tab tak nahi kar payenge jab tak aap apne aap ko ye nahi samjha payenge ki ye rishta bas yahi tak ka thaa. Jeevan iske aagey bhi hai - tujhe apne app ko ek nayi shuruwaat ke liye taiyar karna padega aur isme samay lagega. Koi jald baazi mat karna aur apne emotions ko settle hone ka samay dena.

Tu apne aap ko ye samjhane ki koshish kar ki tu atmavishwas ke saath ek naye sire se ek naye rishtey ki shuruwat kar sakta hai. Aage ka rastaa tujhe apne aap dikhne lagega.

Aur haan, breakup ka dard tab aur mehsus hota hai jab hum pori tarah apne apko purani yaadon mein duba kar rakhtey hai. Ek nayi shuruwat ke liye ye zaruri hai ki tu wo sab kuch karein jo apko acha lagta hai. Doston se milna, sports khelna, apni pasand ke gaane sunana, movies dekhna ya phir kuch naya seekhna. Apne aap se poochiye ki kya cheezein karne se apka dhyan kahi aur batega. Agar neeji dost hai tere to usne apni mann ki baat share kar.

Beta rishtey to hote hi hai paichida lekin is daur se ubharne ke baad tum samajh paoge ki rishtey aur breakups bhi humein bahut kuch sikha kar jaate hain, kai baar bahut acchi cheezein bhi. Aur rishta to wahi acha hota hai naa jisme dono ki sehmati ho aur jo dono chahe. Agar pyaar sirf ek tarfa reh jaye to Babu moshai - us rishtey ko karo bye bye aur badh jao aagey.

Kuch dukh hoga, kuch aason honge, shayad tu kuch sad songs bhi sune, lekin aage shayad ek naya pyaar bhara rishta bhi hoga jiske barey mein tum abhi soch bhi nahi paa rahe ho. Duniya bahut rangeen hai aur kya pata tum aagey aur kitne romanchak logon se milo.

Beta ji, mukka do apne aap ko aur aagey badho. Aur haan breakup to ek bada mudda hai aur aise kitne diljale hain jinhone nujhse ye sawal baar baar poocha hai,. Tu akela nahi hai beta. Tujhe ek achha insaan banna hai. padh likh ke aage badna hai aur apne aap ko itna hoshiyaar aur kabil banana hai ki woh ladki bhi tum se dosti karne wapis aa jaye smiley

Padh yahan - jo tujhe bata rahi ho wo maine kitne aur logon ko bataya hai: https://lovematters.in/hi/love-and-relationships/breaking-up/getting-ove...
Teri Aunty hai yahan tera dukh baatne ke liye aur main chahti hun ki tu aagey badhe aur apne app ko pyaar ke is khel mein aur mauka de. Chal muskura de abhi.

Auntyji
0

Thanks ☺️☺️☺️