Let's Talk Forum


रिश्ते

जिसके द्वारा दर्ज किया गया Pubglover21

Namaste Madam,
Meri ek gf thi 1.5 year se ...jab me relation me tha tabhi maine unko kaha tha ki hamari shadi nahi hongi bahut baar bol chuka tha...usne kaha tha jab baat band hongi to ek acchi memory bhi hoti hai breakup ke baad...hum bahut ghume park or restaurant...waise me bhi in 1.5 year me uski taraf attract ho gaya tha but shaadi nahi ho sakti thi kyunki me shaadi family ki marzi se karna chahta tha or waise Hamri cast different thi....wo mujhe bahut kuch samjhane lagi wo shaadi karne ke liye mujhe bahut baar kaha but maine mana kiya ki aisa nahi hone ka me pahle hi apko kaha tha shaadi nahi hone ki hamari....ab meri shaadi hai to meri usse baat band ho gayi usne meri wajeh se sab kuch chod diya tha ab maine usko chod diya ab wo akeli ho gayi...hamare beech koi sex nahi hua bus physical touch hua tha....kal mujhe uski yaad aayi to maine usko message kiya usne baat bhi kari...wo bolti hai ki me 10 month se struggle kar rahi hu tumne meri life me kuch nahi choda...or kha ki mujhe pata tha ki hamara aage chalkar kuch nahi hone wala pheer bhi maine tumko apne Uppar havi hone diya ...aisa kaha usne...or kaha tumhari life to set ho gayi hai me akeli ho gayi meri life me ab kuch nahi bacha hai... koi ek wajeh bhi nahi hai mere khush rehne ki...problem ye hai ki mujhe is baat ka dukh hai ki wo meri wajeh se pareshan hai...me kya kar sakta hu uske liye...or usne ye bhi kaha ki tumko koi problem ho to message kar dena me hamesha ki tarha tumhara reply dungi ye bolkar whatsapp par offline ho gayi ...usko pata hai hamari baat karne ka koi matlab nahi isiliye wo mujhse baat nahi karti or karni bhi nahi chahiye...bus mujhe is baat ka afsos hai ki koi meri wajeh se pareshan hai dukhi hai struggle kar raha hai ye sab soch kar me bhi dukhi hu...ab mujhe kya karna chahiye...bus maine usko kaha ki me apke liye kya kar sakta hu...kabhi meri help chahiye to jarur bolna....Thank You

उत्तर
मॉडरेटर love-matters
0

Pubglover21 puttar,
Main samajh sakti hun ki tum uske liye pareshan ho. Beta lekin samay he sab se achha marham hai - kehte hain na. Bilkul sahi kehte hain - time do. Abhi kuch months he hue hain tum dono ke break-up ko. Better to yahi rahega ki tum dono ek doosre se bilkul bhi contact mat rakho. Usko bhi yahi bolo. Kyunki jitna tum dono ek doosre se baat karoge, messege karoge - utni takleef hogi. Better rahega ki abhi takleef sah lo - aur ek doosre se contact khatam kar lo. Tum dono ke liye yahi better hoga.
Agar uske liye kuch karna chahte ho to yahi karo - usko space do taaki woh kissi aur person ko apni life main aane ki jagah de sake. Tum jab tak uski life main rahoge - tab tak woh na to kissi aur ladke ke saath dosti kar sakegi, na he tumhe bhula payegi. Agar tum chahte ho ki woh life main khush rahe - adjust ho sake - to please yahi achha rahega ki tum contact se hatt jao. Yeh to meri salah hai. Aage tumhe jaise theek lage ! https://lovematters.in/hi/love-and-relationships/breaking-up/how-to-get-...

Auntyji